Bôk nău kan “Năm mhe n’har bri răm nuih n’hâm ƀon lan” geh ƀư ta ăp rơh tết tât năm mhe sĭt. Bôk nău kan lĕ geh nău trĕ lam têh hvi, geh ăp gâl kan, rgop soan hăn ndrel. Ntoh ngơi ta bôk nău kan, ndơn kan an nuĭh leo kan Đảng, ngih dak, kruanh dak Võ Văn Thưởng njoăl nău ôp khâl, nău rhơn ueh ngăn tât lĕ rngôch cán bộ, tahen n’har bri, ƀon lan ăp mpôl rnoi ta n’har bri, gôl dak.

Kruanh dak lah na nê̆, ntŭk n’har bri hôm nha geh âk nău jêr jŏt, ŏ r’ah, dŭt khlăy, nău tâm pêt tâm kơl jêng dut dăch bên n’hanh ueh nău tâm rŏng bâh nuĭh ƀon lan n’har bri n’hanh ƀon lan lam dak. Ăp năm, ta ăp rơh tết tât, năm mhe sit, bôk nău kan “năm mhe n’har bri răm nuih n’hâm ƀon lan” hŏ geh ƀư ntoh n’gôr ta lam ăp n’har bri, gôl dak lah du nău an saơ ueh mpeh nău tâm rnglăp ƀon lan, mpeh nău tâm dăch tâm kơl đah tahen n’hanh ƀon lan ăp mpôl rnoi.