Ôi 26/6, ta Hà Nội, Kruanh dak Tô Lâm râng Lễ nkah ndray 70 năm nar way ơm mpôl kan Kỹ thuật nghiệp vụ Công an ƀon lan (1/7) n’hanh wơt dơn Huân chương Chiến công hạng Nhì. Ta rơh Lễ nkah ndray, Kruanh dak Tô Lâm ntơh măt Đảng, Ngih dak ntăm an Huân chương Chiến công hạng Nhì an mpôl Kỹ thuật nghiệp vụ, ndơ nkhôm rnê nchih nkah ăp nău dơi n’hanh nău  rgop ngăch prăl bah đơn vị.

Kruanh dak lah rjăp, Đảng, Ngih dak, Đảng ủy Công an Trung ương n’hanh Bộ Công an way nchih nkah, rnê âk n’hâm suan têh kuâng n’hanh ăp nău dơi, nău ngăch prăl mha êng bah mpôl kan Kỹ thuật nghiệp vụ Công an ƀon lan tâm 70 năm rdâk njêng, rlăch ndăng n’hanh têh jêng. Kruanh dak nsing nơm mpôl Kỹ thuật nghiệp vụ Công an ƀon lan tâm rnglăp tay, dơn ngoăy, blău mhe, rlău ăp jêr jŏt, ntul rlong, njêng tay geh âk nău dơi mhe, lôch jêh ngăch ăp nău kan dơi jao, lơn lah nău nsing nơm, du nuih n’hâm  tĭng bah Đảng, Ngih dak, ƀon lan, rgop tĭng ƀư geh nău dơi nău dơn kan rdâk njêng n’hanh mât njrăng neh dak Việt Nam xã hội chủ nghĩa.