VOV4.M’nông-  Kêng măng nar 25/9, Kruanh dak Nguyễn Xuân Phúc ndrel đah mpôl leo kan gâl têh Việt Nam lĕ tât tach ndeh păr lam ntur neh Haneda, Tokyo, ntơm ăp rơh pah kan tâm bôk nău kan tât râng rơh râng kahgĭt nar khĭt Thủ tướng ơm Nhật Bản Abe Shinzo.

Tĭng bôk nău kan, Kruanh dak Nguyễn Xuân Phúc n’hanh mpôl kan gâl têh Việt Nam mbra tât râng rơh lam dak kahĭt nar khĭt bâh Thủ tướng ơm dak Nhật Bản Abe Shinzo; tâm nchră đah Thủ tướng Nhật Bản Kishida Fumio; tâm mâp kruanh Hạ viện, kruanh Thượng viện Nhật Bản, râng rơh vơt ngơi bâh kađăch Nhật Bản vơt kruanh mpôl kan ăp dak, vơt kruanh rmôt kan ndrel nghị sỹ tâm rnghlăp tâm kơl Nhật Bản- Việt Nam n’hanh Thủ tướng ơm Suga Yoshihide, tâm mâp thống đốc du đê̆ ntŭk, tâm mâp ăp Đại sứ ơm Nhật Bản ta Việt Nam, tâm mâp bar ding đah nuĭh leo kan du đê̆ ngih dak râng rơh lam dak kahgĭt nar khĭt, tâm mâp kruanh hội đồng châu âu, ndơn kan an nuĭh gĭt blău  Việt Nam ntoh lư ta Nhật Bản.

VOV

Nuĭh rblang: Thị Đoắt