Ôi nar 8/11, ta ntŭk kan kruanh dak, kruanh dak Nguyễn Xuân Phúc tâm mâp măt dêh rmên đại biểu mpôl doanh nhân mom Việt Nam di rơh tât râng rơh pă nău nkhôm rnê Sao đỏ- Doanh nhân mom Việt Nam ntoh lư năm 2022.

Ntoh ngơi ta rơh tâm mâp, kruanh dak Nguyễn Xuân Phúc lah na nê̆, bol ma ta năp măt hôm nha geh âk nău jêr yơn ăp doanh nhân Việt Nam tâm nĕ geh ăp doanh nhân mom mô dơi ƀư roh nău knơm n’hanh an geh dơn nău kan tâm rgop ƀư ntoh ang nău kan mpôl rnoi nơm ta ntŭk tăch rgâl lam ntur neh. Kruanh dak Nguyễn Xuân Phúc lah na nê̆, ăp nuĭh kan ta Hội doanh nhân mom Việt Nam dôl pă nău kan an rlău 3 rkeh nuĭh pah kan,  nău geh ăp năm klâp ma rlău 30 rmen đôlar jêng ăp doanh nhân mom mô dơn dôl geh mbăk anh nău jêr mpeh tăch rgâl, nău dơn kan đah ntŭk rêh jêng, đah neh dak ma hôm nha geh dơn kan ta năp nău ntơm geh bâh kăl e đŏng.