Nkah ndray 99 năm Nar Báo chí Cách mạng Việt Nam (21/6), kêng măng (19/6) ta Hà Nội Kruanh dak Tô Lâm hŏ tât khâl, mbah rhơn n’hanh pă nklâm ndơ du đêt nhà báo kruanh rđău kan ơm ta Hà Nội. Mbah rhơn ăp nhà báo kruanh rđău kan ơm nkhêp geh nar Báo chí cách mạng Việt Nam, Kruanh dak lah rjăp, ăp rơh kơn nhà báo bah kơi nê way nkah tât ăp nhà báo kruanh rđău kan ơm tâm ban kơt n’gâng jrŏng”, ăp nuĭh geh rgop  têh kuâng an báo chí cách mạng Việt Nam.

 Kruanh dak ŭch rŏng ăp nhà báo kruanh rđău kan ơm geh n’hâm suan ngăch dăng, bôk rngok chrat ang, ntik tay nuih n’hâm cách mạng n’hanh ma ăp nău tă ơm gĭt kan khlay bah he, rgop  âk lơn đŏng an báo chí dak nơm, nkre ntĭm nti nău way ơm báo chí cách mạng an rơh mom ndăm bah kơi kơt tĭng, nsrôih nsan hao. Ăp nhà báo kruanh rđău kan ơm rngot rhơn n’hanh n’hao êng săk dơi Kruanh dak ôp khâl, rgŏ jă; nkre nkah uĕh bah năp nău hun hao dăng bah neh dak tâm bah ri aơ. Ăp nhà báo kruanh rđău kan ơm lah rjăp, mbra ntik n’hao tay nău way ơm báo chí cách mạng, râng ntĭm nti rơh kơn bah kơi, nsrôih rgop tâm nău hun hao bah neh dak.