Ôi 7/6, Kruanh dak Tô Lâm hŏ tât khâl, pah kan n’hanh ôp uănh pah kan nchrăp rdâng lơh bah Quân chủng Hải quân. Lah ta rơh pah kan, Kruanh dak Tô Lâm njuăl nău ôp khâl, nău mbah rhơn dŭt uĕh lăng bah Tổng Bí thư Nguyễn Phú Trọng tât lĕ rngôch cán bộ, tahen quân chủng Hải quân. Kruanh dak dăn đă Quân chủng Hải quân ân dơn ngoăy mpeh nău khlay kan mha êng bah Tahen dak lêng tâm trong ƀư mât njrăng neh dak tâm nô nău mhe.

Tahen dak lêng Quân chủng Hải quân ân ƀư geh nău tam Nghị quyết mbrô 44 khóa XIII mpeh trong mât njrăng neh dak tâm nô nău mhe, lơn lah ăp nău mĭn mhe mpeh mât njrăng neh dak; đăm gĭt jru nău mĭn “Rôih sŏng, rlăch ndăng mô gŭ  rlu mât njrăng nâp neh dak đăp  mpăn, ƀư tơm, dơn ngoăy, lam lĕ rngôch neh dak, dak lêng, gôl dak, nkual trôk, mât nâp ntŭk gŭ rêh mô geh tâm lơh tâm su, đăp mpăn gay hun hao neh dak”; way njrăng lor, gĭt kloh bu rkeh, băl tâm boh, nău rŭ hôch bah ăp bu êh rkeh; rôih dăng tâm trong tĭng ƀư mât njrăng ƀư tơm dak lêng, gôl dak.