Kêng măng ntri (3/6), Kruanh dak Tô Lâm, Kruanh mât bôk kan rnă njrăng mpôl tahen ƀon lan, Kruanh Hội đồng Quốc phòng n’hanh An ninh hŏ tât khâl n’hanh pah kan đah cán bộ, Tahen Quân chủng Phòng không-Không quân. Lah ta rơh pah kan, Kruanh dak Tô Lâm nchih nkah, rnê âk n’hanh mpư rnê ăp nău dơi ma  ăp rơh kơn cán bộ, tahen bah Quân chủng Phòng không-Không quân hŏ dơi geh tâm bar pe jât năm aơ.

Kruanh dak lah rjăp, Quân chủng Phòng không-Không quân lah quân chủng kỹ thuật quân sự nkre đah nău hun hao wăng sa- rêh jêng kon nuĭh bah neh dak. Yor kơt nê̆ Quân chủng ân mât mbro n’hanh kan nsum đah ăp mpôl tahen êng ƀa ƀă ƀư tơm khoa học, kỹ thuật, công nghệ hăn tât ƀư tơm kalơ trôk, bri dak trôk nar huêng khlay bah neh dak. Kruanh dak nsing nơm đah nău dăng janh n’gloh lư n’hanh nău way ơm chrat  ang bah tahen ƀon lan Việt Nam dăng janh, Quân chủng Phòng không - Không quân mbra ƀư lôch jêh ngăch prăl ăp nău kan tâm rơh mhe, njêng geh nău dơi têh kuâng lơn đŏng, di đah nău nsing nơm bah Đảng, Ngih dak n’hanh ƀon lan.