Ôi nđaơ, ta Ntŭk Kruanh dak, Kruanh dak Tô Lâm lĕ wơt Đại sứ đặc mệnh toàn quyền dak Cộng hòa nhân dân Trung Hoa ta Việt Nam Hùng Ba. Kruanh dak mĭn lah, Việt Nam uănh hun hao tâm boh dăch dêh, kan ndrel đah Trung Quốc lah nău săch têh, kơl lor bôk năp tâm dĭng lĕ trong hăn tâm rnglăp đăp mpăn, ƀư tơm, tâm rgop âk trong, âk ntil tâm boh tâm rnglăp bah Việt Nam. Mpeh trong rƀŏng nău kan năm tât, Kruanh dak mpŏng 2 ding tâm rgop rjăp ta du đêt nău khlay kơt:

mât tâm nđŭrr, tâm mâp gưl prêh n’hanh ăp gưl, mbơh ƀư săk rnglăy ăp trong ƀư kan ndrel; ntrôl dăng n’hanh n’hao săk rnglăy kan ndrel ngăn ngên ta ăp ntil nău, ntrôl boăt nthoi trong ndeh treng tă bah trong n’har bri n’hanh  kan ndrel hun hao du đêt trong ndeh treng tâm di ta ăp n’gor mpeh bah lơ Việt Nam; dăn đă Trung Quốc pơk tay ntŭk tăch an ndơ tui ka, play, poăch, kik djăr bah Việt Nam. Rƀŏng tât nău tơm khlay bôk năp năm 2025, di nkah gĭt 75 năm ndâk njêng tâm boh tâm rnglăp nchră nău bah dih Việt  Nam-Trung Quốc, Kruanh dak Tô Lâm dăn đă 2 ding nsrôih ntrôl, ndơ̆ tâm boh ăp ding hao prêh mhe, nar lơ ngăn ngên, săk rnglăy lơn.