Lơ 11/6, ta Hà Nội, Đảng ủy Công an Trung ương, N’gâng kan Công an ƀư Rƀŭn nchră jao an trong kan tĭng gưl, nău kan bah N’gâng kan Công an đah Đại tướng Tô Lâm, Ủy viên Bộ chính trị, Kruanh dak Cộng hòa xã hội chủ nghĩa Việt Nam n’hanh Thượng tướng Lương Tam Quang, Ủy viên Trung ương Đảng, Kruanh N’gâng kan Công an. Ntoh ngơi ta rƀŭn nchră, Kruanh dak Tô Lâm mbah rhơn Thượng tướng Lương Tam Quang lĕ dơi săch ƀư Kruanh N’gâng kan Công an; mĭn lah nău aơ saơ nău nsing nơm, uănh tât bah Đảng, Ngih dak n’hanh Nuĭh ƀon lan đah rmôt Công an ƀon lan, nău djôt dơn, uănh lah prêh ăp nău rgop, nsơr soan bah Thượng tướng Lương Tam Quang ta ntil nău kan dơi jao ăp năm bah năp.

Gay mât uĕh ăp săk rnglăy lĕ dơi geh, ƀư lôch nău kan mât njrăng rnă njrăng neh dak, mât đăp mpăn nău rêh jêng, Kruanh dak Tô Lâm đă năm tât, rmôt Công an ƀon lan ƀư mât uănh jăt tay, ƀư tĭng geh săk rnglăy ăp nghị quyết, ntĭm đă bah Đảng, Ngih dak mpeh mât rnă njrăng, đăp mpăn.  Jêh nar rƀŭn, Kruanh N’gâng kan Lương Tam Quang mbra ndăn ntĭm rđău ăp ntil trong kan mât njrăng rnă njrăng neh dak, đăp mpăn nău rêh jêng n’hanh ndâk njêng rmôt công an ƀon lan, nthoi tay ăp nău mĭn, ăp ntĭm rđău, ăp nău kan ma đồng chí Kruanh dak dôl ntĭm rđău, ƀĭt joet, đah nău rƀŏng ƀư dơi ăp nghị quyết bah Đảng.