Kêng măng ntri (8/7), ta Hà Nội, Quân ủy Trung ương ƀư Tâm nchră tâl 10. Lah ta rnôk rđău đă  tâm nchră, kruanh dak Tô Lâm, Thủ tướng Chính phủ Phạm Minh Chính nchih nkah, rnê ăp nău dơi ntoh lư bah Quân ủy Trung ương, Bộ Quốc phòng tâm bah ri aơ nơh. Mpeh trong rƀŏng,  nău dơn kan tâm let năp tay, Kruanh dak Tô Lâm lah rjăp du đêt nkô̆ Quân ủy Trung ương, Bộ Quốc phòng ân tĭng ƀư.

Tâm nê, n’hao dăng njrăng n’gang neh dak, rgum rdâk njêng jâng nsing njrăng n’gang neh dak lam ƀon lan nkre đah mât rnă njrăng lam ƀon lan. Rdâk njêng n’hanh ntik n’hao dăng “Jâng nsing nuih n’hâm ƀon lan” tâm njrăng n’gang neh dak lam ƀon lan, rdâk njêng jâng nsing njrăng n’gang neh dak lam ƀon lan nâp dăng. Tĭng ƀư jăp trong kơl đah  mpôl tahen n’hanh dâk kơl bah kơi tahen n’hanh ntrôl dăng nău kan “Nkah gĭt n’hâm suan”. Lah rjăp tay n’hanh ring tam nuih n’hâm uĕh lŏng “Tahen Wa Hồ” tâm nuih n’hâm ƀon lan.