Kêng măng 20/6, ta Hà Nội, Kruanh dak Tô Lâm n’hanh Tổng thống Nga Vladimir Putin lĕ mâp kruanh Hội hữu nghị Việt-Nga n’hanh ăp sinh viên ơm Việt Nam tă hăn nti ta Nga. Tổng thống Vladimir Putin uănh lah prêh ăp nău rgop khlay bah ăp rơh sinh viên ơm Việt Nam ta Nga an tâm boh dăch dêh kan ndrel way ơm tâm âk năm bah năp, nkoch nău mpŏng ŭch ăp rơh sinh viên ơm Việt Nam mbra ntung nthoi gay ăp rơh druh ndăm Việt Nam wât kloh lơn mpeh văn hóa, neh dak n’hanh kon nuĭh Nga.

loh ăp nău nkah gĭt jru, nău rŏng dăch dêh đah nuĭh ƀon lan 2 dak; ryơk lah uĕh nău uănh mĭn, ntĭm rđău jru bah chính phủ 2 dak gay nuĭh ƀon lan 2 dak tâm wât tay. Tĭng Kruanh dak Tô Lâm, ăp nău nkoch bah ăp nuĭh jă tâm rơh mâp an saơ bôl tâm ƀah nău rêh jêng đah 2 dak, yơn nuĭh ƀon lan Việt Nam uănh tât mro, uănh nđôi dak Nga, răm đah nău geh n’hanh hun hao bah dak Nga, mbah rhơn dak Nga uĕh lăng, n’hanh hun hao têh dăng.