Kêng măng (10/6), Kruanh dak Tô Lâm ndrel mpôl pah kan Trung ương pah kan đah Ban Thường vụ Tỉnh ủy Cao Bằng. Lôch rnôk djăt kruanh rđău kan, n’gâng kan ơh rblang ăp nău dăn đă bah n’gor, Kruanh dak Tô Lâm lah kloh, Cao Bằng lah ntŭk geh nău kan dŭt khlay mha êng, lah “mpêr n’gar” bah neh dak, lah “mpông rlong” mpeh nhâp nar n’hanh mpeh bah lơ bah neh dak, geh âk bri dak uĕh măt uănh, têh hvi hôm kơt kăl e; geh 27 rnoi nuĭh gŭ rêh đah jâng nsing văn hóa âk mpưm, săk tơm rnoi nuĭh.

Gay tĭng ƀư geh nău dơi nău dơn kan tâm let năp tay, Kruanh dak dăn đă Cao Bằng ân tâm ban ŭch, du nuih n’hâm, dâk kan lĕ n’hâm suan; rdâk tay dăng nău nđơr geh nsan hao, nuih n’hâm tâm rnglăp, n’hao êng săk, uănh khlay êng rnoi nuĭh nơm; ntik n’hao nău blău mhe, suan dăng nơm, nău way ơm lịch sử, văn hóa, kon nuĭh  bah nkual neh “glo tơm cách mạng”; mô kâp nơm, nsing gư ma ân nsrôih ndôr êng gay nsrôih tĭng ƀư geh nău  dơi trong nchrăp hun hao wăng sa- rêh jêng kon nuĭh 2021-2025.