Ôi (1/7), ta nkual ƀon têh Hố Chí Minh, Ủy ban nhân dân nkual ƀon têh Hồ Chí Minh ƀư ntoh măt mpôl kan râng mât rnă njrăng, đăp mpăn tâm dâng.

Kruanh dak Tô Lâm râng n’hanh geh nău rđău đă. Lah ta rơh lễ, ntơh măt kruanh rđău kan Đảng, Ngih dak, Kruanh dak Tô Lâm rhơn rnê ăp nău dơi,  nău nsrôih, nău lor nchrăp bah Thành ủy, n’gâng kan, mpôl Công an n’hanh ăp nhih pah kan nsum mpôl nkual ƀon têh Hồ Chí Minh tâm trong leo dŏng Luật nchrăp uĕh an nău njêng mpôl râng mât rnă njrăng, đăp mpăn tâm dâng; mbah rhơn mpôl râng mât rnă njrăng, đăp mpăn tâm dâng ta nkual ƀon têh Hồ Chí Minh n’hanh lam dak hŏ njêng ngăn n’hanh lăp kan ntơm bah aơ. Kruanh dak nsing nơm, đah nău way ơm n’gloh ang n’hanh nău dơi hŏ geh tâm bah ri aơ nơh, năm 2024 n’hanh ăp năm bah kơi nê, gưl ủy, n’gâng kan n’hanh ƀon lan nkual ƀon têh Hồ Chí Minh mbra ƀư lôch jêh ăp rnoh tât kan ndơ̆ luh. Mpôl râng mât rnă njrăng, đăp mpăn tâm dâng mbra ntik uĕh nău khlay kan ntop kơl mpôl Công an n’hanh ăp mpôl kan dơi kan mât đăp mpăn rnă njrăng, rgop rdâk njêng, hun hao nkual ƀon têh nar lơn ma têh uĕh, geh ndrŏng, rsăch se, tâm rŏng n’hanh nău đăp mpăn, rhơn răm bah ƀon lan.