Ntoh ngơi ta rơh ta rơh tâm mâp, kruanh dak Tô Lâm lah na nê̆ tâm ăp rơh, Kruanh dak bâh ăp rơh kan lĕ dŭt nsrôih gay ma ƀư tĭng tŏng ăp, săk rnglăy nău kan, nău dơi kan tĭng nău ntrŭnh bâh Hiến pháp.

Tâm ăp năm ba năp, geh nău mât leo kan, ntĭm đă bâh Đảng, Ngih dak ma sŏng dăng lah kruanh dak, groi kruanh dak bâh ăp rơh, nău tâm rgop na nê̆, geh săk rnglăy bâh ăp n’gâng kan, ntŭk kan, ăp ntŭk n’hanh nău kơl kan, tâm ban kan bâh ăp nuĭh ƀon lan, ntŭk kan kruanh dak ăp nar lơ ma hun hao mpeh ăp nău kan. Kruanh dak Tô Lâm đă cán bộ, nuĭh kan ntŭk kan kruanh dak geh ƀư ueh jăp tay nău kan tĭng trong pah kan, ntŭk kan geh pă jao, nkre lah ŭch dơn geh nău tâm rgop, mbơh dăn, mbơh đă gay ma ƀư lôch ueh nău kan geh Đảng, ngih dak n’hanh ƀon lan knơm pă jao.