Lôch rơh vơt ngăn ngên, kruanh dak Tô Lâm ndrel đah Tổng Bí thư, kruanh dak Lào leo bôk năp mpôl đại biểu gâl têh 2 dak ƀư tâm nchră.

Bar hê nuĭh leo kan lah tay na nê̆ nău kơl kan dơn ngoăy bâh lĕ 2 dak lah way geh uănh khlăy n’hanh an lor dŭt âk an nău kan ndâk nsơm, bun dăp nău tâm boh tâm rnglăp têh kuăng na nê̆ n’hanh tâm kơl lĕ rngôch Việt Nam - Lào, an geh n’hao rgum tay mbơh tơih geh săk rnglăy nău tâm ton gâl têh đah 2 dak, tâm ban kơt ăp n’gâng kan, ntŭk kan ta trung ương n’hanh ta ntŭk kan ba dâng, n’hao mbơh ôp nău mpeh ăp nău kan tơm, ntrôl nău tâm chop khâl, tâm mâp gâl têh n’hanh ăp gâl pah kan, uănh nđôi n’hanh n’hao săk rnglăy ăp nău tâm kơl kan, ntrôl dăng mbơh tơih, ntĭm nti mpeh lịch sử way ơm tâm boh kan tâm rnglăp na nê̆ Việt Nam- Lào an ƀon lan 2 dak. Kruanh dak Tô Lâm lah na nêđ đah nău mĭn oh nô, Việt Nam mbra lĕ nuih n’hâm kơl an Lào dơn nău dơi kan khlăy tâm ăp nău kan lam ntur neh tâm năm 2024, tâm nĕ geh nău kan kruanh ASEAN n’hanh kruanh AIPA.