Tâm rnôk hăn khâl gưl Ngih dak tât Lào, kêng măng 11/7, Kruanh dak Tô Lâm hŏ vơt Kruanh Mặt trận Lào ndâk neh dak Xỉn-la-vông Khút-phay-thun. Kruanh Mặt trận Lào ndâk neh dak Xỉn-la-vông Khút-phay-thun ntoh nau rhơn rnôk geh mbah Kruanh dak Tô Lâm. Wa Xỉn-la-vông Khút-phay-thun lah rjăp mra lŏ tâm rgop ngăn ma Trung ương Mặt trận Tổ quốc Việt Nam ndrel kơl an, pơk trong nơih ân nŭih Việt Nam pah kan, rêh tâm Lào. Kruanh dak Tô Lâm rhơn ăp nau dơi geh têh ma Đảng, Ngih dak ndrel ƀon lan Lào lah nsum ndrel Trung ương Mặt trận Lào ndâk neh dak lah êng hŏ geh nau dơi tâm rơh rlau aơ, rnơm lah, đah nau rđau kan ueh ngăn bah Đảng ƀon lan cách mạng Lào, ăp đồng chí Lào mra dơi ndâk ueh nâp neh dak Lào nâp dăng.

Kŏ tâm lơ 11/7, Kruanh dak Tô Lâm hŏ vơt Kruanh rmôt tâm boh Lào-Việt Nam Bo-viêng-khăm Vông-đa-la ndrel ăp nŭih kan tâm rđau kan bah Rmôt aơ. Kruanh dak đă rmôt tâm boh Lào-Việt Nam lŏ tâm rgop ma ăp ntŭk kan bah Lào kơl an, pơk trong nơih ân kônh wa ƀon lan dak ba dih, tâm nê geh nŭih Việt Nam pah kan, rêh tâm Lào, nsôih rgop nau ndâk njêng neh dak Lào nar lơn nâp nâl./.