Kêng măng 18/6, ta Ntŭk Kruanh dak, Kruanh dak Tô Lâm lĕ wơt ăp Đại sứ Pakistan, Đại sứ Mozambique n’hanh Đại sứ Timor Leste tât mbơh quốc thư. Kruanh dak Tô Lâm mbah rhơn wa Kohdayar Marri dơi săch ƀư Đại sứ đặc mệnh toàn quyền Pakistan ta Việt Nam. Kruanh dak nkoch kloh, Việt Nam uănh khlay tâm boh đah Pakistan, du dak geh ntŭk chính trị khlay ta nkual Ấn Độ Dương-Thái Bình Dương; nsing nơm Pakistan mbra geh âk nău rgop khlay an đăp mpăn, tâm rnglăp ta nkual.

Wơt Đại sứ Mozambique Ilundi Dos Santos, Kruanh dak Tô Lâm mĭn lah Việt Nam uănh khlay mro n’hanh mpŏng n’hao lơn tay tâm boh way ơm đah Mozambique, ngoăy tâm âk dak kan ndrel lor bôk năp bah Việt Nam ta châu Phi. Wơt Đại sứ Timor-Léte Joao Perera, Kruanh dak Tô Lâm an gĭt, bôl prăk geh tăch rgâl hôm e đêt, yơn nău geh kan ndrel đah 2 dak hôm e dŭt têh, tâm nĕ geh kan ndrel lŏ mir, viễn thông, ntĭm nti, pring xăng... Kruanh dak đă Đại sứ tâm năm kan bah nơm tâm rgop uĕh đah ăp n’gâng kan nău kan, ntŭk kan bah Việt Nam ntrôl tay tâm boh đah 2 dak.