Kêng măng 18/7, ta Nhih pah kan Kruanh dak, Kruanh dak Tô Lâm hŏ wơt wa Iain Frew - Đại sứ Liên hiệp Vương quốc Anh ta Việt Nam. Ta rơh wơt, Kruanh dak Tô Lâm mpơl di nuih n’hâm bah năp hun hao nar lơn ma nsĭt geh nău tam n’hanh jru hvi bah tâm boh têh jong Việt Nam – Anh.

 Gay ntik n’hao jâng nsing tâm boh uĕh lăng đah Việt Nam n’hanh Anh tâm  let năp tay, Kruanh dak Tô Lâm dăn đă bar ding n’hao âk mpôl tâm khâl n’hanh tâm mâp gưl têh; ntrôl  dăng tâm boh rnă njrăng- njrăng n’gang neh dak; nta trong dơh an ăp nău kan tâm boh tăch rgâl- ntuh kơl đah doanh nghiệp bar dak. Kruanh dak Tô Lâm rnê âk nău dơi tâm boh uĕh lăng đah bar dak tâm trong kan ntĭm nti rnôk nar lơn ma geh âk sinh viên, kon se nti Việt Nam kơt nti ta dak Anh n’hanh geh âk bôk nău kan tâm boh đah ăp nhih nti đại học n’hanh ntŭk ntĭm  nti bar dak, nkre ŭch rŏng bar ding an ƀư nău kan tâm boh âk mpưm, âk ntil  mpeh văn hóa, pâl nđaih n’hanh thể thao gay n’hao dăng tâm gĭt wât nsum.