Ta Nhih pah kan Kruanh dak, Kruanh dak Tô Lâm wơt Đại sứ Thụy Điển Ann Mawe tât ntĭt sĭt. Kruanh dak Tô Lâm mbah rhơn bu ur Đại sứ geh năm pah kan dŭt geh nău dơi ta Việt Nam; rnê âk bu ur Đại sứ hŏ rgop uĕh tâm nău rdâk tâm boh Việt Nam-Thuỵ Điển.

Kruanh dak lah rjăp, Ngih dak, Chính phủ n’hanh ƀon lan Việt Nam mô dơi  chuêl n’hanh way ŭanh khlay nău tâm rŏng tâm rnglăp, nău ŭch tĭng kơl khlay, mpơl nău tâm rnglăp ma Hoàng gia, Chính phủ n’hanh ƀon lan Thụy Điển hŏ rong an Việt Nam tâm rơh rlăch ndăng nsĭt geh đăp mpăn dơn ngoăy neh dak ntơm nơh n’hanh rdâk njêng, hun hao neh dak  aƀaơ. Kruanh dak rhơn rnê  ăp doanh nghiệp Thụy Điển n’hao dăng ntuh kơl tâm Việt Nam tâm ăp trong kan Thụy Điển săk geh kơt ntŭk ntô ndơ dŏng, ntung trong nchrăp rdeng, ŭnh nar sĭt jêng tay, dăp rgum nkual ƀon têh, hun hao jŏ jong...