Nkhêp nkah ndray 74 năm Nar way ơm druh ndăm xung phong ơm Việt Nam (15/7/1950 - 15/7/2024), kêng măng 15/7, ta Nhih pah kan kruanh dak, kruanh dak Tô Lâm hŏ mâp măt dêh bên mpôl druh ndăm xung phong ơm Việt Nam nkhêp geh râng Tâm nchră cán bộ  lam dak Mpôl druh ndăm xung phong ơm Việt Nam.

Lah ta rơh mâp măt, Kruanh dak njuăl nău mbah rhơn tât ăp druh ndăm xung phong ơm, lĕ rngôch ăp hội viên lam dak  way rêh rhơn mƀak, n’hâm suan ngăch dăng, rêh đăp  mpăn, ring lam  tay nuih n’hâm “druh ndăm xung phong ơm” tâm rơh rdâk njêng neh dak Việt Nam. Nkhêp geh Hội nchrăp an Đại hội đại biểu lam dak Mpôl druh ndăm xung phong ơm Việt Nam tâl V, năm kan 2024-2029, Kruanh dak mpŏng lah ăp hội viên nchih nkah n’hanh nsrôih  tĭng ƀư nău ntĭnh ntăn bah Wa. Kruanh dak mpŏng ăp Hội viên geh âk  nău kan ngăn ngăn lơn gay ơm nkra ăp nkô̆ nău hôm nchiăng khan tâm  pah kan đah Mpôl druh ndăm xung phong ơm, uănh nê lah nău way ƀư, nău dơn kan,  nău dêh rŏng, mpơl nuih n’hâm nkah gĭt jru đah ăp nuĭh hŏ n’groh  an  du bông nău rêh an n’gâng kan rklaih luh rnoi nuĭh, dơn ngoăy neh dak, rdâk  njêng n’hanh mât njrăng neh dak.