Tâm bôk nău kan pah kan ta Nghệ An, kêng măng nđaơ, 16/1, ta nkuăl Nam Đàn, Kruanh dak Võ Văn Thưởng n’hanh mpôl pah kan an nkao, mpoh nhang nkah gĭt Kruanh Hồ Chí Minh ta Đền Chung Sơn-Đền thờ gia tiên Wa Hồ n’hanh ta nkual Di tích ngih dak Kim Liên. Kruanh dak n’hanh mpôl pah kan mpoh nhang, an nkao nkah gĭt Kruanh Hồ Chí Minh, kruanh têh bah Đảng n’hanh nuĭh ƀon lan he, Nuĭh janh dăng rklaih đăp mpăn rnoi nuĭh, Danh nhân văn hóa kiệt xuất.

Nkah gĭt, ryơk têh n’hanh ntô̆ n’hao mpeh Wa, Kruanh dak lăp mpôl pah kan mro mrăng nti n’hanh ƀư tĭng nău mĭn, nău rêh, pah kan uĕh lăng bah nuĭh. Nkual Di tích Ngih dak Kim Liên, ngoăy tâm âk nkual di tích ntoh lư mpeh nău rêh n’hanh nău kan bah Kruanh Hồ Chí Minh, gŭ ta nkual 2 xă Kim Liên n’hanh Nam Giang, geh rkum di tích ƀon Hoàng Trù; rkum Di tích Làng Sen. Ntŭk aơ mât ndrăy ăp di tích, ndoh ndơ hăn ndrel đah ƀon tơm, rnăk wâl, rnôk mom n’hanh 2 rơh Wa sĭt ƀon tơm.