Ôi 6/3, ta Jay mprơ Têh Hà Nội ƀư Lễ ntăm an săk ntơ Nghệ sĩ Nhân dân, Nghệ sĩ Ưu tú tâl 10

Bơi 400 nuĭh dơi ntăm an săk ntơ NSND, NSƯT, mpeh âk trong kan kơt âm nhạc, điện ảnh, múa, ƀoh rup- ƀoh ngơi, sân khấu. Kruanh dak Võ Văn Thưởng râng, geh nău lah n’hanh ntăm an săk ntơ Nghệ sĩ Nhân dân an ăp nghệ sĩ.

          Lah ta rơh lễ, Kruanh dak Võ Văn Thưởng ntơh măt kruanh rđău kan Đảng, Ngih dak njuăl nău mbah rhơn dŭt uĕh lăng tât ăp nghệ sĩ dơi ntăm an săk ntơ rơh dja, ăp nuĭh hŏ pah kan rôih sŏng, blău mhe n’hanh geh âk nău rgop ntoh lư tâm nău rêh văn hóa nghệ thuật neh dak.

Kruanh dak mpơl nău nsing nơm, ăp rơh kơn nghệ sĩ nđơn tay nâp  đah nău blău njêng mhe âk mpưm, âk ntil n’hanh nău tâm rŏng neh dak, krêp  dêh jru đah ƀon lan, đah n’gâng kan rgâl mhe tă bah Đảng rđău đă, rmôt nghệ sĩ dak tơm jay n’hanh mbra njêng mhe jêng âk ndơ geh ƀư uĕh, geh rnoh khlay mpeh nău mĭn n’hanh njroh mprơ, geh nău têh khlay rơh mhe, bun dăp jêng jâng nsing nuih n’hâm lam rêh jêng kon nuĭh, rgop têh kuâng lơn đŏng ta njăr trong hăn tât bah rnoi nuĭh.