Dơn nău jă bah Kruanh dak Cộng hòa xã hội chủ nghĩa Việt Nam Võ Văn Thưởng n’hanh I ur, Tổng thống Cộng hòa Liên bang Đức Frank-Walter Steinmeier n’hanh I ur khâl gưl ngih dak tât Việt Nam bah lơ 23 tât lơ 24/1. Jêh ƀư wơt têh Tổng thống Đức, ta kêng măng nđaơ 23/1, ta ntŭk kruanh dak, Kruanh dak Võ Văn Thưởng lĕ rgum nchră đah Tổng thống Đức.

Ta rgum nchră, 2 kruanh rđău kan lĕ tâm nchră mpeh ăp trong nchrŏng, trong mkra têh gay ƀư jru lơn tay tâm boh kan ndrel Việt Nam-Đức, kơt kan ndrel tâm ăp ntil rnă njrăng-mât njrăng bri dak, khoa học-công nghệ, tư pháp, lŏ mir; ntrôl dăng ăp nău ƀư tâm nđŭr văn hóa, tă bah nĕ rgop n’hao nău tâm wât n’hanh nău tâm rnglăp đah nuĭh ƀon lan 2 dak, ngăn ngên nkah gĭt 50 năm ndâk njêng tâm boh tâm rnglăp Việt Nam-Đức tâm năm 2025.