Kêng măng 22/1, ta ntŭk kan Kruanh dak, Kruanh dak Võ Văn Thưởng vơt Kruanh n’gor Fukuoka, Nhật Bản, wa Hattori Seitaro dôl geh rơh khâl ndrel pah kan tâm Việt Nam. Kruanh dak Võ Văn Thưởng đă Kruanh n’gor Fukuoka, wa Hattori Seitaro ân ntrŭt dăng lơn ăp nau kan tâm n’ur ƀon lan Việt Nam-Nhật Bản lah nsum ndrel đah Hà Nội ndrel n’gor Fukuoka lah êng, ngăn lah ăp nau kan pâl n’aih tâm rnôk rlu nti bah kon se nti Nhật Bản tât Việt Nam ndrel kon se nti, druh ndăm Việt Nam tât Nhật Bản, bah nê rgop nau ndâk nâp nau tâm bih 2 dak.

Êp nê, 2 ding ân geh kơl an ăp rmôt kan tăch rgâl bah Nhật Bản ndrel ntŭk kan tăch rgâl bah Fukuoka lŏ ntuh kơl lơn tâm Việt Nam, tâm rgop đah ăp ntŭk kan tăch rgâl bah Việt Nam hun hao ntuh kơl, tăch rgâl, tâm boh tâm nau kan ma 2 ding geh nau dăng. N’gor Fukuoka ndrel ăp nkuăl êng tâm rgop ma Việt Nam ntĭm nti nŭih kan geh nau blau. Kruanh n’gor Fukuoka ntoh nau ŭch ntrŭt dăng tay nau kan tâm boh, tâm n’ur tâm âk nau kan êng êng đah Fukuoka ndrel Hà Nội ndrel ŭch ndơn geh nau kơl an bah Kruanh dak Võ Văn Thưởng./.