Ntoh ngơi ta rơh vơt, kruanh dak lah na nê̆, Đảng, ngih dak n’hanh ƀon lan Việt Nam way rnê, kahgĭt nău kơl an, tâm rnglăp têh dăng n’hanh tâm kơl khlăy bâh ăp ntŭk kan ƀon lan ƀư tơm, ueh mhe lam ntur neh tâm nĕ geh Hội đồng hòa bình lam ntur neh n’hanh ăp ntŭk kan ndrel đah trong kan Việt Nam tâm rdâng an geh đăp mpăn mpôl rnoi ntơm nơh, aơ tâm ban kơt ta rơh rdâk njêng n’hanh mât neh dak aƀaơ.

Nkah tât nkô̆ mpŏng kan jêng du dak dôl hun hao geh công nghiệp ueh mhe, nău geh râng geh ta năm 2030 n’hanh jêng dak hun hao, nău geh âk ta năm 2045, kruanh dak Nguyễn Xuân Phúc an gĭt, gay ma dơi geh nkô̆ mpŏng ngluh mbơh, Đảng, ngih dak n’hanh ƀon lan Việt Nam rgum n’hao nău kan bâh lĕ mpôl rnoi, lah nău ntrŭnh khlăy ndrel đah nău leo kan lăp kan ndăn mpôl kan bâh dak bah dih lah dŭt khlăy, mât nâp nău đăp mpăn, ueh lăng an hun hao neh dak têh ndrŏng, ƀon lan hơm răm.