Kêng măng 14/11, Kruanh dak Nguyễn Xuân Phúc lĕ wơt wa Kambiz Ghawami, Kruanh Rmôt kan Ntop kơl đại học lam ntŭr neh dak Đức.

Thủ tướng Việt Nam n’hanh Thủ tướng New Zealand tâm mâp báo chí

Kruanh dak Nguyễn Xuân Phúc uănh lah prêh nău ƀư tơm bah wa Kambiz Ghawami lĕ geh âk nău rgop khlay ntrŭt kan ndrel Việt Nam n’hanh Đức mpeh ntĭm nti bah âk năm bah năp. Wa Kambiz Ghawami n’hanh Rmôt kan Ntop kơl đại học lam ntŭr neh Đức lĕ geh âk nău ƀư kan ndrel na nê̆ đah âk ngih sam ƀŭt, ntŭk ntĭm nti ta Việt Nam, ntoh lư lah Ngih sam ƀŭt Đại học Việt-Đức. Lah uĕh kruanh dak Nguyễn Xuân Phúc an tay mông nar, wa Kambiz Ghawami an gĭt, mpŏng ntrôl kan ndrel 2 dak tâm nău kan ntĭm nti. Tâm rơh khâl aơ, wa lĕ pah kan đah du đêt ntŭk ntĭm nti bôk năp ta Việt Nam. Tă bah rmôt ntop kơl đại học lam ntŭr neh Đức, bang Hessen lĕ an du đêt prăk kơl hăn nti an sinh viên Việt Nam.