Tât khâl, rhơn tết mpôl đại biểu Qh n’gor Dak Lak, kruanh Hội đồng dân tộc Y Thanh Hà Niê Kđăm rnê nău nsrôih bâh mpôl Đại biểu Qh n’gor Dak Lak tâm nău ƀư lôch ăp nău kan, nău pah kan tâm năm 2023.

Nkre lah, kruanh Hội đồng Dân tộc lĕ mbơh tay du đê̆ nău pah kan bâh Quốc hội tâm ban kơt bâh Hội đồng Dân tộc tâm năm mhe nơh n’hanh dăn đă, tâm năm 2024, mpôl Đại biểu QH n’gor Dak Lăk geh ƀư ueh nău kan geh pă an, n’hao nău dơi, nău pah kan bâh đại biểu ƀon lan săch, geh nău ngơi bâh ƀon lan, cử tri tât dăch lơn đah Quốc hội. Di rơh aơ, bâh nău rgum lĕ rnoh nuĭh kan bâh doanh nghiệp, nuĭh lŏng nuih n’hâm, kruanh Hội đồng dân tộc lĕ pă an Ủy ban MTTQ Việt Nam n’gor Dak Lak lĕ rnoh prăk 250 rkeh prăk gay ma pă an ăp rnăk rnoi đê̆ geh nău rêh jêr jŏt ta n’gor di rơh tết Nguyên đán Giáp Thìn 2024.