Lơ 18/6, Thượng tướng Lương Tam Quang, Kruanh n’gâng kan Công an hŏ vơt nŭih kan ntoh măt bah Australia ta Việt Nam Andrew Goledziowski. Tâm nar vơt, Kruanh n’gâng kan Lương Tam Quang rnê prêh nau kan, nau rgop bah ăp nŭih kan ntot măt tâm nau ntrŭt dăng tâm boh bar ding Australia-Việt Nam, ngăn lah nau kan n’hao lơn tay nau tâm boh bar dak hao tâm ăp nau kan di rnôk hăn khâl Australia bah Thủ tướng Phạm Minh Chính tâm khay 3 mhe rlau.

Gay ma lŏ ntrŭt dăng nau tâm boh đah N’gâng kan Công an ndrel ăp ntŭk kan ƀư tĭng pháp luật Australia, Kruanh n’gâng kan Lương Tam Quang đă 2 ding lŏ mât ƀư, ntrŭnh tâm boh tĭng ăp nau ntrŭnh tâm boh tă ký ton; lŏ ƀư tâm nchră nau nchrăp tâm boh tâm nau kan đăp mpăn mạng ndrel njrăng, rdâng phung tih dôih công nghệ prêh. Lŏ tâm nchră mbơh nau mpeh phung tih dôih rloh rlau neh dak, nau luh, lăp, tâm mbơh nau mpeh nau njrăng rdâng luh, lăp ndrel ntrơn gŭ du tih dôih, nkri nau đăp mpăn bah ăp dak./.