Thượng tướng Lương Tam Quang, Kruanh n’gâng kan Công an mhe geh nar wơt mpôl Hội đồng Công nghiệp Công nghệ thông tin Hoa Kỳ dôl khâl n’hanh pah kan ta Việt Nam. Ta nar wơt, Kruanh N’gâng kan Lương Tam Quang an gĭt, năm bah năp, tâm boh ăp ding Việt Nam-Hoa Kỳ lĕ geh âk njoat hun hao uĕh. Lơn lah mhe rlău, nkhêp di Tổng thống Joe Biden khâl Việt Nam, Hoa Kỳ n’hanh Việt Nam lĕ n’hao prêh tâm boh kan ndrel têh hvi lĕ rngôch.

Kan ndrel tâm ntil nău wăng sa, tăch rgâl, ntuh kơl đah Việt Nam-Hoa Kỳ lah nău ang, lah n’gâng tơm khlay n’hanh ntrôl tâm boh 2 dak. Kruanh N’gâng kan Lương Tam Quang mpŏng ŭch, Hội đồng Công nghiệp công nghệ thông tin Hoa Kỳ, đah nău ƀư tơm lah rmôt kan nsing nơm n’hanh geh nău lư bah Hoa Kỳ, rgum kan ndrel ăp công ty têh lam ntŭr neh mpeh công nghệ thông tin n’hanh truyền thông, an mât uĕh tay nău ƀư tơm ntung nthoi đah chính phủ n’hanh doanh nghiệp 2 dak gay ntrôl kan ndrel wăng sa, tăch rgâl, ntuh kơl đah 2 ding, lơn lah ntuh kơl bah ăp doanh nghiệp công nghệ thông tin têh bah Hoa Kỳ ta Việt Nam