Tâm nar vơt, gay ntrŭt dăng lơn tay nau tâm boh 2 ding Việt Nam-Hoa Kỳ lah nsum ndrel nau tâm boh kan nsum đah N’gâng kan Công an đah ăp dak kan nsum Hoa Kỳ lah êng, Kruanh n’gâng kan Tô Lâm đă 2 ding lŏ tâm boh rjăp, ơm geh ăp nhoat hăn tâm di, geh ntrong kan, nau kan tâm di, ngăn tâm ăp nau kan gay ma ntrŭnh ân geh săk tam ăp nau ton tâm nau ntrŭnh ƀư nau tâm boh ăp ntil hŏ geh rđau kan gưl prêh bar dak tâm ban nau di rnôk hăn khâl bah Tổng thống Hoa Kỳ Joe Biden tât Việt Nam mhe rlau.

Lah ueh Kruanh n’gâng kan Tô Lâm hŏ dŏng âk mông nar vơt, Ntoh măt Marc Knapper lah rjăp, Nŭih kan ntoh măt Hoa Kỳ mra lŏ tâm rgop, pah kan rjăp lơn ma ăp rmôt kan bah N’gâng kan Công an Việt Nam, gay ƀư ân geh nau tam ndrel săk rnglay ăp nkô̆ tâm boh ma bar ding ndrel uănh khlay, ngăn lah nkô̆ tâm boh geh rđau kan gưl prêh tâm ban tĭng nau kan ăp ntil Việt Nam-Hoa Kỳ yor nau đăp mpăn, tâm boh ndrel hun hao nâp nâl./.