Kêng măng 4/6, Quốc hội ôp n’hanh ơh tay đah nău kan công thương. Ăp đại biểu Quốc hội đă Kruanh N’gâng kan Công thương Nguyễn Hồng Diên ƀư kloh ăp trong mkra gay n’hŭch, nking n’gang nău tih gay rƀŏng tât ndâk njêng tăch rgâl điện tử, ăp nău kơl an n’hanh dôh rklaih jêr jŏt an doanh nghiệp, rdâk tay hun hao nkra njêng. Kruanh N’gâng kan Nguyễn Hồng Diên an gĭt: ăp năm bah năp nău ƀư tăch rgâl điện tử ta Việt Nam hao jêng tay đah hao jêng rĭng bah 20-25% du năm, Việt Nam dơi dăp tâm rmôt 5 dak geh ngăch hao jêng bôk năp lam ntŭr neh; tăch rgâl điện tử âk rlău 20 rmen đôlar.

Kruanh n’gâng kan an gĭt lĕ nchrăp tâm ban âk trong n’hao săk rnglăy mât uănh, groi nđôi, mât njrăng nău geh nuĭh dŏng kơt lôch uĕh trong nău kơl, dôh rklaih nkô̆ nău  uănh nđôi, ndâk njêng trong gĭt tât n’hanh ơh đah nuĭh dŏng, dôh rklaih nkô̆ nău tăch ndơ tih pháp luật tâm trong mrô. Mpeh mât uănh nău tăch ndơ tâm măng xã hội, N’gâng kan Công thương mbra ƀư tơm tâm rgop đah ăp ngih pah kan geh tât gay uănh nđôi n’hanh rmal; dŏng rmôt mât uănh ntŭk tăch gay saơ, njrăng n’gang ƀư kloh ăp nău ƀư tih.