Ta rơh pah kan, kruanh n’gâng kan rdâk njêng Trần Hồng Minh dơn ngoăy đah n’gor mpeh nău rgâl mhe ntuh kơl nău nchrăp kan ƀư trong têh Nha Trang - Liên Khương lvang năm 2026-2030, pă an nuĭh tơm ƀư nău kan tât n’gor Khánh Hoà. Đah nău kan ƀư trong têh Bắc- Nam mpeh nhâp nar, ntŭk hăn let Pleiku- Buôn Ma Thuột-Gia Nghiã, tâm nthoi đah Đăk Lăk lah ntŭk kan leo tơm. Đah nău ntuh kơl n’hao nkra trong quốc lộ 27, ndơ̆ lăp dŏng ntuh kơl nsum bâh n’gor  n’hanh dăn đă tơm prăk ngih dak kơl an bâh Trung ương. Gay ma n’hao nău tâm tâm rgop njêng nău nsan an hun hao wăng sa rêh jên bâh n’gor Lâm Đồng, kruanh n’gâng kan rdâk njêng Trần Hồng Minh đă ntrôl ngăch ƀư tĭng ăp nău kan ƀư trong têh tơm kơt:Bảo Lộc - Liên Khương; Tân Phú (n’gor Đồng Nai) - Bảo Lộc (n’gor Lâm Đồng); trong têh Bắc - Nam mpeh nhâp nar, ntŭk hăn let Gia Nghiã-Chơn Thành, mât kơl n’hao nkra 3 ntŭk ndrâm dak lêng aƀaơ geh bâh n’gor. Mpeh trong ndeh păr. Đah nău kan ƀư mhe ueh trong mpăr ta tach ndeh păr Liên Khương geh lĕ rnoh ntuh kơl rlău 1 rbăn rmen prăk ƀư tĭng bâh khay 3 tât hay 9 tay n’hanh tach ndeh păr Phan Thiết.