Rơh pah kan tay ta Tây Nguyên, lơ 12/3, Kruanh N’gâng kan Đặng Quốc Khánh ndrel Mpôl pah kan N’gâng kan tài nguyên n’hanh Môi trường geh nar pah kan đah kruanh n’gâng tơm n’gor Dak Nông. Tĭng rnoh kơp bah UBND n’gor Dak Nông, geh rlău 1.000 nău nchrăp ƀư bah n’gor geh rŭn in đah dăp rgum bô xít, ta rnoh neh hao tât bơi 6.700 ha.

Nău aơ jêng tât lĕ rngôch ăp dăn đă nău ntrŭnh ntuh kơl ta n’gor Dak Nông an rlu, khuch mô uĕh tât nău dơi wăch rgum ntuh kơl. Jêh nar pah kan đah kruanh n’gâng tơm n’gor Dak Nông, Kruanh N’gâng kan Tài nguyên n’hanh Môi trường Đặng Quốc Khánh ndrel mpôl pah kan hăn ngăn ta nkual ntu bô xít n’hanh ngih măy Alumin Nhân Cơ, gay mĭn joi trong mkra dôh rklaih, wăk kol an ƀon lan.