Kêng măng 15/1, ta Ngih N’gâng kan tâm rnglăp nchră nău ƀư ăp Rƀŭn nchră sŏk nău rgop nuĭh ƀon lan ntŭk pah kan đah đồng chí Lê Hoài Trung, Bí thư Đảng ủy, Kruanh n’gâng kan tâm rnglăp nchră nău, Đại biểu Quốc hội Khóa 15, gay mbơh dơi săch đại biểu Quốc hội khóa 16, năm kan 2026-2031. Ta rƀŭn nchră, nuĭh ƀon lan nsing nơm n’hanh tâm ban ŭch âk mbơh đồng chí Lê Hoài Trung dơi đă săch đại biểu Quốc hội khóa 16 n’hanh mpŏng lah dơi săch ƀư đại biểu Quốc hội, đồng chí mbra mât nău mĭn, blău ơm, nuih n’hâm lĕ đah nău kan, râng dŭt n’hâm, săk rnglăy tâm ăp nău kan bah Quốc hội, nău ndâk njêng n’hanh mât njrăng neh dak, tâm di lah nuĭh ntoh măt an nău mĭn, nău ŭch bah nuĭh ntoh măt ƀon lan n’hanh nuĭh ƀon lan.

Ntoh ngơi ta rƀŭn nchră, Kruanh N’gâng kan Lê Hoài Trung mĭn lah, lah dơi săch ƀư đại biểu Quốc hội mbra mât tay nuih n’hâm lĕ đah nău kan âk ngăn, ƀư uĕh nău ntoh măt bah nuĭh đại biểu ƀon lan đă; uănh khlay tâm mâp đah nuĭh ƀon lan; djăt ăp nău rgop, nău mpŏng ŭch bah nuĭh ƀon lan gay dăn đă đah ngih pah kan geh nău dơi mpeh ăp nău đă ma nuĭh ƀon lan mpŏng kâp. 100% nuĭh ƀon lan ta Rƀŭn nchră lĕ nsơr ty mbơh đồng chí Lê Hoài Trung râng dơi săch đại biểu Quốc hội khóa 16.