VOV4.M’nông- Kêng măng nar 15/9, mpôl pah kan bâh n’gâng kan thông tin n’hanh Truyền thông yor n’gâng kan Nguyễn Mạnh Hùng leo hăn lĕ tât khâl n’hanh pah kan ta n’gor Bạc Liêu mpeh nău kan rgâl mhe rnoh mbrô n’hanh trong kan mbơh tơih nău kan hun hao nkuăl ƀon têh ueh mhe.

Ntoh ngơi ta rơh pah kan, kruanh n’gâng kan Nguyễn Mạnh Hùng an gĭt, bâh nău kơp uănh bâh n’gor Bạc Liêu geh klâp ma 30 rbăn rnăk ach o, dăch ach o mô tŏng điện thoại ueh mhe, n’gâng kan mbra geh kơl an 15 rbăn mblâm an n’gor bâh bôk nău kan “Sóng n’hanh máy tính an oh”. Đah 15 rbăn mblâm hôm e, kruanh n’gâng kan pă an 3 ntŭk kan viễn thông têh (VinaPhone, MobiFone, Viettel) kơl an n’gor. Đah ăp nău dăn đă êng bâh n’gor Bạc Liêu, kruanh n’gâng kan Nguyễn Mạnh Hùng pă an ăp ntŭk kan way kan bâh n’gâng kan kơl an, doh rklaih. Kruanh n’gâng kan Thông tin n’hanh Truyền thông Nguyễn Mạnh Hùng lĕ dăn đă n’gor Bạc Liêu uănh n’hêl nglah ntŭk kan văn hóa, Thông tin, Thể thao n’hanh pâl nđaih luh, geh ntop tay du ntŭk kan lah Sở thông tin n’hanh truyền thông.

Nuĭh rblang: Thị Đoắt