Kêng măng 14/5, Kruanh n’gâng kan, tơm bah Uỷ ban Dân tộc Hầu A Lềnh hŏ pah kan đah UBND n’gor Cao Bằng mpeh nau kan ê nkra, tăch rgâl, ntuh kơl, ndâk ntŭk ntu, tăch luh ndơ ndrel ƀư ăp nkô̆ nau kan bah neh dak. Tâm ăp khay bôk năm, nau kan văng sa, rêh jêng bah Cao Bằng lŏ geh hun hao. Ăp nau kan văn hoá, dak si, ntĭm nti, pă kan pah, rêh jêng ndrel ăp nau kan êng êng lŏ geh kơl an, hun hao; Chính trị, rêh jêng đăp mpăn, răn njrăng, đăp mpăn nau rêh geh mât nâp, tâm boh đah dak ba dih bah n’gor lŏ geh pơk hvi.

Tơm kan Uỷ ban Dân tộc Hầu A Lềnh đă n’gor Cao Bằng ntrŭnh ƀư ăp nau kan bah Chính phủ. Tâm nê, rgum doh rklaih nau jêr ân ntŭk kan, ƀư ueh nau nsôih, nau dăng hun hao văng sa, rêh jêng bah n’gor. Ndrel nê, n’gor ân geh đăp mpăn nau rêh jêng, ngăn lah tâm nkuăl rnoi mpôl đê̆ geh kơl an, gay rgum nau tâm ƀah đah nŭih ƀon lan./.