Ndal ƀư ntrŭt dăng nau kan pă tơm prăk ntuh kơl nsum, nsôih ƀư ân geh săk tam ăp nau kan tơm di rhơn nkah 120 năm ndâk n’gor. Aơ lah nau đă bah Kruanh UBND n’gor Dak Lak tâm rnôk tâm nchră rƀŭn geh tâm lơ 5/6. Kơp tât lôch khay 5 năm 2024, n’gor Dak Lak pă tơm prăk ntuh kơl geh rlau 1.080 rmen, geh 25% nau nchrăp. Nau pă tơm prăk dŏng geh hao âk rđil rơh aơ năm e, yơn nau geh kan hôm dêh.

Ntoh nau tâm nar rƀŭn, wa Phạm Ngọc Nghị, Kruanh UBND n’gor Dak Lak đă ăp n’gâng kan, ntŭk kan, nkuăl ân n’hao lơn tay nau kan bah ăp ntŭk tâm nau kan mêt uănh, saơ ndrel rklaih ăp nau jêr, nôl ân ăp nau kan, nau ƀư. Êp nê, ăp ntŭk kan ân geh nchrăp nau tâm rgop ngăn, ƀư ân tâm ban tâm ăp nau kan ntrơn ntŭk ân ƀư kan, ƀư jêh săm ƀŭt, n’hao ngăch nau ƀư ăp nau kan tơm bah neh dak ndrel nau kan rhơn nkah 120 năm nar ndâk n’gor tâm khay 11 tât./.