Nkah gĭt 99 năm Nar Báo chí cách mạng Việt Nam, lơ 20/6 Mpôl pah kan bah n’gor ủy, HĐND, UBMTTQ Việt Nam n’gor Dak Lak lĕ tât khâl n’hanh mbah rhơn Ngih pah kan gŭ ta nkual Tây Nguyên-Radio Nău ngơi Việt Nam. Ndơn măt kruanh n’gor Dak Lak, wa Nguyễn Tuấn Hà, Groi Kruanh rnâng kan UBND n’gor njuăl nău mbah rhơn uĕh lăng tât cán bộ, công chức, viên chức, nuĭh pah kan bah Radio Nău ngơi Việt Nam Ngih pah kan gŭ nkual Tây Nguyên, mbah rhơn ăp nău săk rnglăy ƀư tĭng nău kan mbơh nkoch nu nău ma Radio Nău ngơi Việt Nam lah nsum n’hanh Ngih pah kan gŭ nkual Tây Nguyên lah êng lĕ geh năm bah năp.

Groi Kruanh UBND n’gor Dak Lak mpŏng ŭch, năm tât, Ngih pah kan lah tay ăp ntil nău uĕh, nkre rgop ndâk njêng ăp ntil mô hŏ dơi ƀư, kơl n’gor nar lơ hun hao uĕh lơn. Năm 2024 aơ, nkah gĭt 120 năm têh jêng, hun hao n’gor Dak Lak, wa Nguyễn Tuấn Hà đă VOV-Tây Nguyên mbơh rĭng tŏng ăp lơn mpeh ăp nău geh, tâm rnôk rgâl mhe, ăp nău nsrôih bah n’gor ndâk njêng Dak Lak nar lơ uĕh lăng, rgâl mhe, geh âk nău văn hóa.