Đại sứ Đặng Hoàng Giang, Kruanh ntoh măt mpôl Việt Nam ta Liên hợp quốc, lĕ wơt wa Julie Bishop, Đặc phái viên bah Tổng Thư ký Liên hợp quốc tât tâm rgâl mpeh nu nău Myanmar nkhêp di wa geh rơh khâl pah kan ta New York.

Mĭn lah “Tâm ban ŭch 5 nău” bah ASEAN lah ntŭk kan khlay an mĭn joi trong mkra đăp mpăn n’hanh nâp nâl, Kruanh ntoh măt mpôl Việt Nam mpŏng ŭch Liên hợp quốc n’hanh êng wa Julie Bisho mbra tâm rgop rjăp, săk rnglăy đah ASEAN n’hanh Đặc phái viên bah Kruanh ASEAN mpeh Myanmar tĭng nkô̆ nău way tâm ryơk đăp mpăn, ƀư tơm, uĕh lăng neh dak, mô nking n’gang tâm nău kan tâm dak, tâm di đah rnoh an ƀư n’hanh mpŏng ŭch bah nuĭh ƀon lan Myanmar. Wa Julie Bisho mĭn lah mbra nsrôih dŭt n’hâm ƀư tơm Đặc phái viên bah Tổng thư ký Liên hợp quốc gay rgop nsĭt tay đăp mpăn an Myanmar; lah rjăp Liên hợp quốc kơl nău ƀư tơm leo bah ASEAN tâm trong ƀư aơ.