Di tâm rnôk 14h50 mnĭt nar 7/4 (tĭng mông ta ntŭk), Kruanh Quốc hội Vương Đình Huệ n’hanh Mpôl đại biểu gưl têh dak he hŏ tât Thủ đô Bắc Kinh, ntơm hăn khâl ngăn dak CHND Trung  Hoa.

Ta rnôk hăn khâl ngăn tât dak CHND Trung Hoa, Kruanh Quốc hội Vương Đình Huệ mbra geh ăp rơh ôp srĭng nău, tâm nchră đah kruanh rđău kan gưl têh dak CHND Trung Hoa, râng ăp rơh rgum nchră trong kơl, tâm nđŭr tâm rnglăp ƀon lan Việt Nam – Trung Quốc, tâm nchră, wơt kruanh rđău kan ăp tập đoàn têh n’hanh khâl Đại sứ quán Việt Nam ta Trung Quốc, mâp măt mpôl nuĭh Việt ta Trung Quốc…v.v. Kruanh Quốc hội Vương Đình Huệ, Quốc hội Việt Nam n’hanh Nhân đại lam dak Trung Quốc mbra ký mhe tâm ton tâm boh rgâl an  tâm ton tâm boh hŏ ký năm 2015 đah ăp nău hôr nkrum  lam mhe. Ndrel đah nău  tâm ton tâm boh đah Quốc hội Việt Nam n’hanh Nhân đại lam dak Trung Quốc, Văn phòng Quốc hội Việt Nam n’hanh Văn phòng Ủy ban Thường vụ Nhân đại lam dak Trung Quốc mbra lor bôk năp ký ton tâm boh gay an tĭng ƀư ăp nkô̆ tâm boh đah nhih pah kan njêng pháp luật bar dak./.