Kêng măng 27/3, ta Jay Quốc hội, Kruanh Quốc hội Vương Đình Huệ  mâp măt Mpôl ntơh măt nuĭh gĭt blău, kruanh chroh rƀŭn, nuĭh rnoi mpôl đê̆ ntoh lư Nkual ƀon têh Hà Nội. 

Lah ta rơh mâp măt, Kruanh Quốc hội ŭch rŏng, ăp nuĭh ntơh măt nuĭh gĭt blău, kruanh chroh rƀŭn, nuĭh rnoi mpôl đê̆  ntoh lư bah Thủ đô Hà Nội mbra ntik n’hao lơn  nău khlay kan bah he, lah găr ntil tâm ăp trong leo kan; ring lam, rƀŏng trong, trêng nău nđơr an mpôl rêh jêng êng ƀa ƀă, lơn lah an druh ndăm rgop uĕh tâm rnôk hun hao bah Thủ đô Hà Nội n’hanh bah lam dak. Kruanh Quốc hội rnê âk nău blău mhe bah Ủy ban Mặt trận Tổ quốc nkual ƀon têh Hà Nội n’hanh  kruanh rđău kan Hà Nội hŏ ƀư njăr trong hăn buăt nthoi bah Mpôl ntơh măt nuĭh gĭt blău,  kruanh chroh rƀŭn, nuĭh rnoi mpôl đê̆ ntoh lư n’hanh an lah, rơh mâp măt dja lăp jru nuih n’hâm tâm rnglăp lam rnoi nuĭh, aơ lah nău way ơm khlay bah rnoi nuĭh he, an saơ nău dơn ngoăy  nău mĭn n’hanh nău dâk kan, nău gĭt dơn êng nău kan bah ăp nuĭh Thủ đô ntoh lư, yor ma nău hun hao nsum bah nkual ƀon têh Hà Nội n’hanh lam dak./.