Ôi 18/3, ta Hà Nội, Kruanh Quốc hội Vương Đình Huệ ƀư tơm n’hanh lah ta rnôk ntơm pơk rơh ôp rkhêl n’hanh ơh nău ôp rkhêl ta rơh hop tâl 31 bah Ủy ban Thường vụ Quốc hội mpeh rmôt nkô̆ nău mpeh trong kan prăk kaih.

          Ta rơh ôp rkhêl, Kruanh Quốc hội Vương Đình Huệ dăn đă ăp đại biểu Quốc hội ndơ̆ luh nău ôp kloh, dơh glêh, lăp sŏng tâm nkô̆ nău, geh nău tâm rgop âk tĭng nău way; ăp Bộ trưởng mpư n’hao nuih n’hâm dơn ơh glêh, di rgum tơm, ƀư kloh ăp nkô̆ nău đại biểu Quốc hội lah kloh, nkre n’gluh ăp trong nkra ngăn ngăn, geh nău tam, nău dơi, đăp mpăn nkra bah, geh nău tam ăp rbăn lhơ, mpăng đêt ta năp măt, njêng nău rgâl ngăn ngăn, jŏ jong đah tĭng nkô̆ dơi ôp rkhêl, rgop  n’hao nău dơi tam pah kan ƀĭt juet tâm trong kan  mât bôk, tŏng đah nău ŭch mpŏng geh bah cử tri n’hanh ƀon lan lam dak. Dŭt jêh rơh ôp, Ủy ban thường vụ Quốc hội n’gluh an Nghị quyết gay ƀư ntŭk nsing dâk kan n’hanh groi nđôi./.