Kêng măng 21/11, ta Thủ đô Phnom Penh, dak Campuchia, tâm trôm nar Đại hội đồng Liên Nghị viện ăp dak Đông Nam Á tâl 43 (AIPA 43), Kruanh Quốc hội Vương Đình Huệ hŏ râng n'hanh geh nău lah khlay ta rơh hop rgum lam lĕ rngôch bôk năp.

Ta rơh hop rgum lĕ rngôch bôk năp, Kruanh Quốc hội Vương Đình Huệ hŏ n'gluh 5 nău dăn đă khlay, nê lah ân lah rjăp nău khlay bah  nău rdâk tay rơh tâm rnglăp n'hanh nău  khlay ƀư rgum tơm bah ASEAN tâm nău mât đăp mpăn, rnă njrăng n'hanh đăp mpăn ta nkual lah ndơ an ƀư lor. Kruanh Quốc hội ŭch rŏng, Quốc hội/Nghị viện ân nsrôih, lor nchrăp uănh khlay ntrŭt ntrôl mpeh tâm ban bu ur bu klô, n'hao nău dơi an bu ur, an ƀư geh nău tam ăp trong kơl pháp luật mpeh bu ur bu klô, n'hao nău dơi  tam ngơi n'hanh nău tât râng bah bu ur, druh ndăm tâm  ăp nhih pah kan njêng pháp luật n'hanh dŏng pháp luật.

VOV/Nuĭh rblang: Điểu Thân