Kêng măng naơ, 2/11, đah nau ƀư tơm bah Kruanh Quốc hội Trần Thanh Mẫn, rơh rƀŭn tal 8 bah uỷ ban Rnâng kan Quốc hội hŏ rgop nau mpeh nau ntrŭnh ntuh kơl Bôk nau kan bah neh dak mpeh nau njrăng, rdâng ma tuý ndrel tih dôih lvang năm 2026-2035. Bôk nau kan geh mbơh ƀư tâm lam dak tâm rơh 10 năm (2026-2035) gay rklaih ăp nau kan geh tât nau dơi rƀŏng ƀư, âk ntŭk kan, âk nkuăl mpeh nau njrăng, rdâng ma tuý ndrel njrăng rdâng tih dôih.

Rnoh prăk ƀư Bôk nau kan lvang năm 2026-2030 nchrăp rlau 45.301 rmen prăk, nchrăp rnoh prăk ƀư Bôk nau kan lvang năm 2031-2035 lah nklăp rlau 18.151 rmen. Nkô̆ nau tât năm 2030: Ăp năm, n’huch rnoh nŭih mơng dŏng ma tuý, dĭng tih dôih ăp chất ma tuý. Rgop nau mpeh nkô̆ nau aơ, Kruanh Quốc hội Trần Thanh Mẫn tâm ban nau đah nau ntrŭnh bah bôk nau kan, yơn lah, tĭng kruanh Quốc hội, nau khlay lah nau ntrŭnh mhâm ƀư ân geh nau dơi, tă bah nê njêng luh ân tam ngăn nau n’huch lơih phung tih dôih tâm ăp ding./.