Ntoh ngơi ta rơh nglôch lôch rƀŭn nchră, Tổng Bí thư Kruanh dak đă an geh nău ŭch rŏng n’hanh nău nsrôih ndơ̆ Việt Nam jêng du ntŭk tơm mpeh logistics, nchoăn ndơn n’hanh pă drăp ndơ khlăy bâh ta nkual n’hanh lam ntur neh. Tổng Bí thư, Kruanh dak đă ăp n’gâng kan, ăp ntŭk kan ta ntŭk mbơh ƀư nău kan an tâm di ăp nău kan geh ƀư, uănh năl na nê̆ ntuk leo tơm, nău ngăch, dơn kan khlăy...Tâm nĕ an lor gay ma doh rklaih ăp nău kŏ văk mpeh nău geh tâm rgop ndơ geh ƀư, mât uănh nău way kan, nău nchrăp kan tơm khlăy logistics n’hanh mbơh pă rnoh mbrô. Tĭng nău mbơh bâh Tổng Bí thư, Kruanh dak ,nkô̆ ŭch lah tă geh njoat ndơ̆  rnoh prăk kan logistics tât dăch đah rnoh râng geh bâh ta nkual n’hanh lam ntur neh, n’hao nău ueh dơi bâh nău kan, n’hao rnoh khlăy ndơ tâm dak n’hanh n’hao nău ƀư tơm Việt Nam tâm nău kan logistics tâm nkual.