Đại tá Hoàng Hồng Bàn aƀaơ rgum rƀŭnb ta Chi bộ khu phố 12, Đảng bộ phường Tân Bình, nkuăl ƀon têh Hồ Chí Minh. Ta nar jao an, Bí thư Thành ủy nkuăl ƀon têh Hồ Chí Minh wa Trần Lưu Quang ôp khâl săk soan, mbah rhơn Đại tá Hoàng Hồng Bàn rêh jŏ năm, ntrong leo tay an rơh druh ndăm kơt tĭng.

Wa mĭn lah, Huy hiệu 80 năm Đảng lah ndơ nkhôm khlay, djôt dơn tâm rnôk nsơr soan jŏ jong, nău nâp nâl n’hanh tĭng đah Đảng, đah ƀon lan bah nuĭh đảng viên. Đại tá Hoàng Hồng Bàn deh năm 1927, ƀon tơm ta nkuăl ƀon têh Hải Phòng, râng cách mạng bah ơm, têh jêng tâm tahen n’hanh tă ƀư âk nău tan tâm ntil nău tình báo, tiăr nti nău kan. Tâm rnôk pah kan, wa dơi an âk ndơ nkhôm khlay kơt Huân chương Quân công hạng Nhì, Huân chương Chiến công hạng Nhất n’hanh hăng 3, ndrel đah âk huân chương êng.