Nău nchrăp ƀư ntơm bah nar 20/9/2026, yor Tập đoàn Công nghiệp-Viễn thông Quân đội (Viettel) ntop kơl. Tât ăp ăp ndơ ƀư geh nklăp 50% ngăch jêh. Lôch hăn uănh nđôi ngăn, Đại tướng Phan Văn Giang đă ăp  ngih pah kan, ntŭk kan geh tât tâm rgop rjăp, ntrôl ngăch ƀư, đăp mpăn ueh nâp, kỹ thuật, ueh n’hanh geh nău tâm bah bah ndơ ƀư; uănh khlay ntŭk ntô, rup ndah, nsrôih jêh bah năp nar 22/12/2026.

Đại tướng lah rjăp, nău nkra nghĩa trang mpơl nău rêh “Ngêt dak nkah gĭt du dak”, lĕ đah nău kan n’hanh nău rŏng bah rơh kơn nar aơ đah ăp nuĭh lĕ roh yor đăp mpăn, dah rŏng bah neh dak. Ndơ ƀư lôch jêh mbra tŏng ăp nău ŭch ueh lơn chop khâl, nkah gĭt ăp Nuĭh janh dăng lĕ khĭt, nkre rgop ntĭm nti nău way ơm cách mạng, rgum ueh nău rŏng neh dak n’hanh nău wât mât njrăng Neh dak an rơh druh ndăm.