Tâm nar 01/11 mhe rlău, mpôl kan joi, rgum nting tahen khĭt tâm lơh tâm su xã Đặng Thùy Trâm, n'gor Quảng Ngãi saơ tay 2 nting tahen khĭt ta nkual Ngih dak si Đức Phổ, mpeh tổ Hố Sâu, thôn Đồng Răm. Tĭng Rnâng kan rđau tahen xã Đặng Thùy Trâm, cán bộ, tahen n'hanh ntơh măt kruanh rđau kan ta ntŭk ƀư joi ta nkuăl ngih dak si Đức Phổ saơ 2 nting tahen khĭt ndrel âk ndơ. Ăp ndơ joi saơ geh tăng, sre dù, sre cao su, ao thun, ŭnh pil n'hanh du mlâm payh lĕ geh bring.

Ăp nting tahen khĭt lĕ jao an Jrâu kan Văn hóa - Xã hội xã Đặng Thùy Trâm mât uănh tĭng nau ntrŭnh. Rlău 6 khay tĭng ƀư "Trong kan 500 nar măng ntrôl dăng tĭng ƀư joi", rgum n'hanh uănh năl săk tahen khĭt tâm lơh kăl e", n'gor Quảng Ngãi lĕ jêh sŏk nting mham đah 13.514 nting tahen khĭt mô gĭt tu tơm, ơm rlău trong nchrăp bah n'gor 45 nar n'hanh trong nchrăp bah Trung ương 5 khay. Nkre, rgum joi dơi 4.929 nting mham ADN săk nŭih tahen khĭt, geh rlau 80%./.