Ta rơh rƀŭn nchră ôi, Quốc hội tâm nchră mpeh nău nchrăp Luật rgâl mhe, ntop du đê̆ nkô̆ bâh Luật ntuh kơl n’hanh Luật pă an, sŏk, ntop ndơ tâm săk kon nuĭh n’hanh pă an, sok săk khĭt (mhe rgâl). Kruanh n’gâng kan tơm prăk n’hanh kruanh n’gâng kan dak si mbra mbơh rblang, ƀư kloh na nê̆ ăp nău đại biểu mât uănh. Kêng măng, Quốc hội tâm nchră mpeh ăp nău nchrăp Luật Luật sư n’hanh Luật mât kon rong mhe rgâl, kruanh n’gâng kan Tư pháp mbơh rblang mpeh ăp nău dăn đă bâh đại biểu. Tâm pơh aơ, Quốc hội an geh uănh n’hêl tay âk nău kan luật bâh ăp trong kan wăng sa, tơm prăk, sŏk soay, rnă njrăng, ntŭk gŭ rêh, ŭnh nar n’hanh mât uănh nău rêh jêng. Nkre lah, ăp đại biểu lĕ tâm nchră mpeh nău ntrŭnh ntuh kơl Bôk nău kan nkô̆ mpŏng ngih dak njrăng rdâng nuĭh tih lvang năm 2026-2035 n’hanh du đê̆ nkô̆ nău khlăy êng. Nchrăp, ôi nar prao, Quốc hội tâm rgop mbơh tơih an dŏng Nghị quyết mpeh nău nchrăp hun hao wăng sa- rêh jêng năm 2027.