Lơ 1/11, bâh nău mbơh yor ƀon lan mbơh an, Đội K51, n’gâng kan leo kan tahen n’gor Đăk Lắk tâm rgop đah mpôl kan tahen n’hanh n’gâng kan ta ntŭk Campuchia joi, rgum geh 2 nitng tahen khĭt tâm lơh kăl e ta nkual dăch dak me Ô Tôi n’hanh dak me Đăk Đam, n’gor Mondulkiri. Tâm nĕ, ta nkual Ô Tôi, mpôl kan joi rgum geh saơ 1 nting tahen khĭt tâm lơh kăl e ndrel đah âk ntil ndơ dŏng bâh tahen Việt Nam. Ta nkual ba dâng dak me Đăk Đam, rmôt pah kan geh rgum joi tay 1 nting tahen khĭt tâm lơh kăl e ndrel đah ăp ntil ndơ kơt lah lêu ao tahen,  rchok dak si penicillin, mâng nchih n’hanh ntô jot bok. Nting tahen khĭt tâm lơh kăl e lĕ geh ndơ̆ sĭ t ta ntŭk kan mât uănh, mât chăm n’hanh mbah ryơk. Lôch bơi tât 2 khay ƀư nău kan ta khay wai năm 2026-207 ta Campuchia. Đội K51 lĕ geh joi saơ, rgum geh 10 nting tahen khĭt tâm lơh kăl e. Bol ma hôm nha geh âk nău jêr mpeh nkual neh, trôk nar n’hanh nău mbơh, cán bộ, tahen ta ntŭk kan hôm nha geh nsrôih joi, rgum ntop ndơ̆ ăp nting tahen khĭt tâm lơh kăl e, nuĭh way kan n’hanh tahen kơl kan Việt Nam khĭt ta Campuchia sĭt đah ƀon tơm.